१३ माघ २०७९, शुक्रबार

अफगानिस्तानको काबुलको सैन्य विमानस्थलमा विस्फोट, १० जनाको मृत्यु

  • १७ पुष २०७९, आइतबार
Image

काठमाडौं- अफगानिस्तानको काबुल सैन्य विमानस्थलमा आइतबार भएको विस्फोटमा कम्तिमा १० जनाको मृत्यु हुनाको साथै अन्य आठ जना गम्भीर घाइते भएको  खामा प्रेसले तालिवानको आन्तरिक मन्त्रालयका प्रवक्तालाई उद्धृत गर्दै  बताएको छ।

तालिबान गृह मन्त्रालयका प्रवक्ता अब्दुल नाफी टक्कुरले काबुलको सैन्य विमानस्थलको मुख्य गेट नजिकै विस्फोट भएको र  यसको जिम्मेवारी कसैले  नलिएको बताएका छन् । 

उत्तरी तखार प्रान्तको राजधानी तालुकान शहरमा बुधबार भएको विस्फोटमा चार जना घाइते भएको तीन दिनपछि  यो अर्को  विस्फोटको घटना हो।

तखारमा तालिवान सुरक्षा कमाण्डर अब्दुल मुबिन साफीले विस्फोटको पुष्टि गर्दै स्थानीय प्रशासनिक कर्मचारीको डेस्कमुनि बम राखिएको  जानकारी दिएका छन्। पछिल्ला केही महिनाहरूमा युद्धग्रस्त काउन्टीमा विस्फोट लगायतका सुरक्षा घटनाहरू बढ्दै गएको छ।

प्रतिक्रिया

सम्बन्धित खवर