>२०८१ बैशाख २ आइतवार
खोटाङ — खोटाङमा छुरा
प्रहारबाट एक जनाको मृत्यु भएको छ । छुरा प्रहारबाट जिल्लाको दिक्तेल
रूपाकोट मझुवागढी नगरपालिका–११ खार्मी निभारेका ३१ वर्षीय धनजित राईको शनिबार राति
सवा ८ बजे मृत्यु भएको हो ।
स्थानीय भीमबहादुर राईको मकैबारीमा छुरा प्रहार गरिएको
जिल्ला प्रहरी कार्यालय खोटाङले जनाएको छ ।
जिल्ला प्रहरी कार्यालय खोटाङका प्रवक्ता प्रहरी
निरीक्षक बेनु कार्कीका अनुसार तीन जनाले
छुरा प्रहार गरेको र उनीहरू फरार रहेका
छन् । फरारको खोजी भइरहेको कार्कीले बताए ।
प्रहरी निरीक्षक कार्की, जालपास्थित प्रहरी चौकीका प्रहरी सहायक निरीक्षक शिवप्रसाद घिमिरे र
तालखर्कस्थित प्रहरी चौकीका प्रहरी सहायक निरीक्षक शिव निरौलाको कमान्डमा प्रहरी
परिचालन गरिएको प्रहरीले जनाएको छ ।
© Lok Kalam . Designed and Developed by Goldenmud Creation